چھوٹے بھائی کے ہاتھوں بڑے بھائی کا قتل

ناندیڑ: ۳؍مارچ (اعتمادنیوز)ناندیڑ کے لوہا تعلقہ میں سگے چھوٹے بھائی نے اپنے بڑے بھائی کا قتل کرڈالا ۔ پولس پریس نوٹ کے مطابق لوہا تعلقہ کے بورگاؤں کا رہنے والا پرلہاد آڑھو (۳۵سال )نے ۶؍سال قبل اورنگ آباد سے سونا لایا تھا ۔ اس کے سونے میں سے کچھ سونا بڑے بھائی سدا شیو آڑھو (۳۸سال ) نے رکھ لیا ایسا اُسے شک تھا



۔ پرلہاد ہمیشہ اپنے بڑے بھائی سداشیو کو سونا دینے کے معاملے پر جھگڑا کرتا رہتا تھا ۔ گزشتہ کل رات ۸؍بجے کے قریب اسی بات کو لے کر پرلہاد نے تیز دھار ہتھیار سے اپنے بڑے بھائی سداشیو پر حملہ کرکے اُسے قتل کرڈالا ۔ سداشیو کی بیوی کونڈو بائی کی شکایت پر پرلہاد کے خلاف سون کھیڑ پولس اسٹیشن میں قتل کا مقدمہ درج کیا گیا ہے ۔